जेनजी आन्दोलनमा देशका मुख्य संरचना ध्वस्त, सेनाले निस्केपछि जनजीवन केही सामान्य

Home
जेनजी आन्दोलनमा देशका मुख्य संरचना ध्वस्त, सेनाले निस्केपछि जनजीवन केही सामान्य

जेनजी आन्दोलनमा देशका मुख्य संरचना ध्वस्त, सेनाले निस्केपछि जनजीवन केही सामान्य

समृद्धि खबर

भदौ २५, २०८२

काठमाडौँ : दुई दिनको जेनजी आन्दोलनपछि काठमाडौँको अवस्था केही सामान्य बनेको छ ।

आज बिहानैदेखि काठमाडौंका सडकमा केही गाडी र नागरिक देखिएका छन् । पुरानो बानेश्वर, नयाँ बानेश्वर, पुतली सडक, सिंहदरबार क्षेत्रका सडकमा सामान्य आवतजावत देखिएको छ ।

किराना पसल, तरकारी पसल, डेरीलगायत पसलहरु सञ्चालनमा आएका छन् ।

काठमाडौँका प्रमुख सडकहरुमा नेपाली सेनाले गस्ती गरिरहेको छ । मंगलबार भएको जेनजीन आन्दोलनका क्रममा भौतिक संरचनामा भएको क्षतिसँगै राति १० बजेबाट सेनालगायत सुरक्षा निकाय परिचालित भएका हुन् ।

राष्ट्रपति कार्यालय, सिंहदरबार प्रधानमन्त्री कार्यालय, अदालतहरु लगायत सरकारी मुख्य संरचना र नीजि व्यापारिक केन्द्रमा आगो लगाएर ध्वस्त पारिएको छ ।

सेनाले घर र गल्लीबाहिर निस्किएका सर्वसाधारणहरूलाई विना काम बाहिर ननिस्किन आग्रह गर्दै घरमा फर्काइरहेको छ । आकस्मिक सेवामा संलग्नहरूलाई भने सोधपुछ र परिचयपत्रका आधारमा हिंडडुल गर्न छुट दिएको छ ।

प्रदर्शनका कारण फोहोर भएका केही सडकमा ब्रुमरले सफा गर्ने काम पनि सुरु भएको छ ।

प्रकाशित मिति: भदौ २५, २०८२