काठमाडौँ : विश्वको ध्यान हिमालय क्षेत्रमा परिरहेको छ । जलवायु परिवर्तनका कारण हिउँ पग्लिएर कालापत्थर भइरहेका हिमालप्रति सबै चिन्न्तित छन् तर त्यसलाई जोगाउन भने भरपर्दाे उपाए अवलम्बन गर्न सकिएको छैन ।
त्यसैले हिमालको महत्व र हिमालको हालको अवस्था तथा त्यसले दैनिक जीवनमा पार्ने असरलाई समेटेर कलाकारहरुले सिर्जना गरेका चित्रहरु आजदेखि नेपाल ललितकला प्रज्ञा प्रतिष्ठानको हल नक्सालमा प्रदर्शन गरिएको छ ।
नेपाल ललितकला प्रज्ञा–प्रतिष्ठानको आयोजनामा आइतबारबाट ‘हिमालयको रहस्यका साथै ‘सिर्जनावृत्ति’ पनि प्रदर्शनी थालिएको हो । प्रदर्शनीको प्रतिष्ठानका कुलपति नारदमणि हार्तम्छालीले उद्घाटन गर्नुभयो ।

‘हिमालयको रहस्य’ प्रदर्शनीमा कलामार्फत नेपालको हिमाली क्षेत्रमा जलवायु परिवर्तनले पारेको गम्भिर असरबारे जानकारी दिइएको छ । यस्तै ‘सिर्जनावृत्ति’ कला प्रदर्शनी ‘राष्ट्रिय ललितकला प्रदर्शनी २०८०’ का राष्ट्रिय ललितकला पुरस्कार विजेताहरूलाई हौसला प्रदान गर्न गरिएको हो ।
कुलपति हार्तम्छालीले भन्नुभयो, “यस प्रदर्शनीमा वातावरण परिवर्तनले हिमालमा परेको प्रभावलाई कलाकारले कलामार्फत कलात्मक रुपले प्रस्तुत गर्नुभएको छ । हिमाल बचाउने अभियानमा कलाकारको पनि विशिष्ट भूमिका रहनुपर्छ भन्ने उद्देश्यका साथ प्रदर्शनीको आयोजना गरिएको हो ।”
समारोहमा उपकुलपति लालकाजी लामाले हिमाल जीवन र जगतसँग जोडिएको विषय भएकाले हिमाल भए पानी हुने र पानी भए जीवन हुने भन्दै जलवायु परिवर्तनले नेपाललगायतका पर्वतीय देशहरूमा परेको असरलाई गम्भिर रूपमा लिनका लागि सचेतना फैलाउन कार्यक्रम गरिएको बताउनुभयो ।
प्रतिष्ठानका सदस्यसचिव देवेन्द्रकुमार काफ्ले ‘थुम्केली’ले प्रदर्शनीमा प्रधानमन्त्री पुष्पकमल दाहाल ‘प्रचण्ड’ले २८ औँ जलवायु परिवर्तनसम्बन्धी संयुक्त राष्ट्रसङ्घीय सम्मेलन ‘कोप २८’ मार्फत उठाएका एजेन्डालगायतका विविध विषय समेटिएको बताउनुभयो ।
उहाँले प्राणीजगत जीवनसँग हिमाल जोडिएकाले पछिल्लो समय जलवायु परिवर्तनले यसमा पारेको गम्भिर असरबारे सम्बद्ध सबै सचेत हुनेपर्ने बताउनुभयो ।

‘हिमालयको रहस्य’ प्रदर्शनीमा ६९ कलाकारका सिर्जनाहरु प्रस्तुत गरिएको छ भने ‘सिर्जनावृत्ति’ कला प्रदर्शनीमा उद्धव रिमाल (समसामयिक चित्रकला), विनय रिमाल (प्रतिस्थापन कला), रिसिता खत्री (समसामयिक मूर्तिकला), नम्रता सिंह (लोककला) र राजप्रकाश मान तुलाधर (परम्परागत चित्रकला) ले सहभागिता जनाउनुभएको छ ।
‘हिमालयको रहस्य’ प्रदर्शनीको संयोजन कलाकार केशवराज खनालले गर्नुभएको थियो भने प्रदर्शनीको क्युरेटिङ प्राज्ञसभा सदस्य प्रदीप शाक्यले गर्नुभएको हो ।
हिमालयको रहस्यमा कलाकारहरु ‘हिमालयको रहस्य’ प्रदर्शनीमा अनिता भट्टराई, एन्जिला जोशी, अर्पिता पराजुली, अरुणा हिङमाङ, बीआर श्रेष्ठ, भिमकुमार श्रेष्ठ, भिम सुब्बा तामाङ, बिकुकुमार थापा, विनोदकुमार गुप्ता, विपना महर्जन, दामोदर बराल, डिबी भण्डारी, देवेन्द्र थुम्केली, दिनेश थापा मगर, दिनेश्वर महतो, दिपेश नेपाली, गजेन्द्रमान श्रेष्ठ, गणेश लामा, गौरवरत्न बज्राचार्य तुलाधर, गौतमरत्न बज्राचार्य तुलाधर, इन्दु पन्त, जुजुकाजी श्रेष्ठ, ज्योति खड्का श्रेष्ठ, केशव राज खनाल, किशोर नकर्मी, किशोर रानाभाट, कृष्ण लामा, लालकाजी लामाको सहभागिता छ ।
यस्तै लिलाधर के.सी., महेश आचार्य, माइला दोङ, मोहन शिवाकोटी, नरबहादुर बि.के., नारदमणि हार्तम्छाली, नेमबहादुर तामाङ, ओमप्रकाश गुरुङ, प्रदिप अधिकारी, प्रकाश मिजार, प्रमिला बज्राचार्य, प्रितम थापा, रविन्द्र मानन्धर, राजप्रकाशमान तुलाधर, राजन महर्जन, राजकुमार राना मगर, रामबहादुर ठाडा, रमेशनाथ खनाल, रिनु श्रेष्ठ, रोशन खत्री, रूवी महर्जन, रुद्रबहादुर पुन, रूपक राई, रुशा बज्राचार्य, सम्झना राजभण्डारी, संगी श्रेष्ठ, संजय वान्तवा, सरुना देवी महर्जन, सौरगंगा दर्शनधारी, श्रेया हाडा श्रेष्ठ, सिकन्दर चौधरी, सुवास ‘क्षितिज’ श्रेष्ठ, सुदन श्रेष्ठ, सुमन श्रेष्ठ, सुरक्षा वाग्ले, सुरेम देशार, सुश्मा श्रेष्ठ, सुस्मिता कुँवर, क्षितेन शेर्पा, छिरिङ फोन्जो गुरुङ, उसिना महर्जन तथा ‘सिर्जनावृत्ति’ कला प्रदर्शनीमा उद्धव रिमाल (समसामयिक चित्रकला), विनय रिमाल (प्रतिस्थापन कला), रिसिता खत्री (समसामयिक मूर्तिकला), नम्रता सिंह (लोककला) र राजप्रकाश मान तुलाधर (परम्परागत चित्रकला) ले पनि सहभागिता जनाउनु भएको छ ।
प्रदर्शनी वैशाख ७ गतेसम्म चल्ने छ । प्रतिष्ठानले केही महिना अघि नै उक्त विषयमा कला सिर्जना गर्न सार्वजनिक आव्हान गरेको थियो । सोही आधारमा कलाकारले बनाएका सिर्जनाहरु आजबाट प्रदर्शन गरिएको हो ।